مەودا میدیا-

حکومەتی تورکیا قەبارەی هەناردەکردنی بەرهەمی دانەوێڵەی لەگەڵ عیراقدا زیاتر کرد بە جۆرێک ئێستا عیراق و هەرێمی کوردستان گەورەترین کڕیاری بەرهەمی دانەوێڵەی تورکیان.

کازم تایچی، سەرۆکی ئەنجومەنی هەناردەکارانی دانەوێڵەی تورکیا، رایگەیاند "هەرێـمی کوردستان و عیراق گەورەترین کڕیاری بەرهەمی دانەوێڵەی تورکیان".

وتیشی رێژەی هەناردەکردنی بەرهەمی دانەوێڵەی تورکیا، بەراورد بە ساڵی رابردوو ٢٢٪ زیادی کردووە و قەبارەی هەناردەکردنی بەرهەمە کشتوکاڵییەکانیان گەیاندووەتە ١٨،٧٩ ملیار دۆلار".

ئەوەش لەکاتێکدایە، حکومەتی تورکیا بەردەوام ناوچە سنوورییەکانی هەرێمی کوردستان بۆردوومان دەکات. هەروەها چەند حزب و لایەنێکی عیراقی، دوای بۆردوومانی سەیرانگەیەکی پەرەخ لە زاخۆ داوای پچڕاندنی پەیوەندییە سیاسی و بارزگانییەکانی نێوان عیراق و تورکیایان دەکرد.

س.ر