مەودا میدیا- رێبین ئەشرەف

سكرتێری ئه‌نجومه‌نی پارێزگای سلێمانی رایگەیاند، بڕیارە لە هەفتەی داهاتوو ئەنجومەنی پارێزگای سلێمانی کۆببێتەوە بەمەبەستی بڕیاردان لەسەر رەتکردنەوەی دانانی کامێراکانی هاتوچۆ لەسنووری پارێزگای سلێمانی.

لە لێدوانێکدا بۆ مەودا میدیا مەهدی مەحمود، سكرتێری ئه‌نجومه‌نی پارێزگای سلێمانی رایگەیاند " بڕیارە لە هەفتەی داهاتوو ئەنجومەنی پارێزگای سلێمانی کۆببێتەوە بەمەبەستی بڕیاردان لەسەر رەتکردنەوەی دانانی کامێراکانی هاتوچۆ لەسنووری پارێزگای سلێمانی".

راشیگەیاند، دانانی کامێرای هاتوچۆ ئەرکێکی دیکەیە دەخرێتە سەر شانی هاوڵاتییان، هەروەها کامێراکانی هاتوچۆ نایاساین و نابێت بدرێن بە کەرتی تایبەت.

وتیشی، لە یاداشتێکدا داوا لە وەزارەتی ناوخۆ دەکەین کە گرێبەستی کۆمپانیای جێبەجێکار هەڵبووەشێنێتەوە کە لە 14ی ئابی ئەمساڵەوە چووەتە بواری جێبەجێکردنەوە.

ر. ئ