کوردستانی
"باکووری کوردستان" لە رووداوێکدا 15 کەس گیانیان لەدەستدا
مەودا میدیا - سلێمانی |
مەودا میدیا-
میدیاکانی تورکیا بڵاویانکردەوە، بەهۆی رووداوێكی هاتوچۆ لە باكووری كوردستان 15 كەس گیانیان لەدەستدا و 22ی دیكەش برینداربوون.
بەگوێرەی هەواڵێکی بڵاوکراوەی میدیاکانی تورکیا، رووداوەكە پێش نیوەڕۆی ئەمڕۆ لە نزیك ناوچهى دێلوك سهر به شاری غازى عهنتاب له باكوورى كوردستان بووە و بەهۆیەوە 15 كەس گیانیان لەدەستداوە و 22ی دیكە برینداربوون.
بەپێی وێنەکان بێت، رووداوەكە لەنێوان پاسێكی گەورەی گەشتیاری و دوو ئۆتۆمبێلی دیكەدا بووە كە یەكێكیان ئۆتۆمبێلی پەخشی تەلەفزیۆنی (SNG) بووە.
هەندێك لە قوربانییەكان میدیاكارن. دوابەدوای رووداوەكە هێزە ئەمنییەكان و تیمی فریاگوزاری گەیشتوونەتە ناوچەكە بەمەبەستی بەهاناوەچوون و گواستنەوەی برینداران.
ر. ئ
ر. ئ
بیروڕا
