مەودا میدیا-

جێگری سەرۆکی زانکۆی سلێمانی کاتی کۆتاییهاتنی پشووەکانی هاوین و دەستپێکردنی پرۆسەی خوێندنی بۆ ساڵی (2022-2023) راگەیاند.

دکتۆر کاوە جەمال، جێگری سەرۆکی زانکۆی سلێمانی بۆ کاروباری ئیدارە و بەڕێوەبردن بە مەودا میدیای رایگەیاند "دەوامی زانکۆکان بەپێی خشتەی ساڵانەی وەزارەتی خوێندنی باڵا و توێژینەوەی زانستی دەبێت".

ئاماژەی بەوەکرد "بەپێی ئەو خشتەیەی وەزارەت بڕیارە لە سەرەتای مانگی ئەلیولدا دەوامی ئاسایی زانکۆی سلێمانی دەستپێبکاتەوە و بەشەکان دەست بە خوێندنی ئاسایی خۆیان بکەنەوە".

جێگری سەرۆکی زانکۆی سلێمانی باسی لەوەشکرد "تاوەکو ئێستا هیچ هۆکارێک بۆ دواخستنی پرۆسەی خوێندنی زانکۆی سلێمانی نییە".

س.ر