مەودا میدیا-

دوای ئەوەی حکومەتی هەرێم بڕیاریدا کۆلێژی تەکنیکی کەلار بگۆڕێ بۆ زانکۆی پۆلەتەکنیکی ئەمڕۆ ژمارەیەک لە لێپرسراوانی حکومی و ئەندامانی پەرلەمان و سەرۆک و مامۆستایانی زانکۆ لەگەڵ سەرپەرەشتیاری ئیدارەی گەرمیان کۆبوونەوە و پرسی دامەزراندنی زانکۆیەکی نوێیان لە گەرمیان تاوتوێکرد.

هەر لەو چوارچێوەیەدا سەرۆک و مامۆستایانی زانکۆ ئاماژەیان بەوە کرد "لەگەڵ دروستکردنی و دامەزراندنی زانکۆکەدا پێویستە کادری زانکۆیی و کارمەند و مامۆستای تایبەت بۆ زانکۆی پۆلەتەکنیکی گەرمیان دامەزرێنرێت".

ئەوەشیان خستەڕوو "سەرەڕای پێویستی ناوچەکە بە زانکۆیەکی لەو چەشنە، ژمارەی کارمەندان و مامۆستایانی کۆلێژی تەکنیکی زانکۆی گەرمیان بەشی ئەوە ناکات زانکۆیەک ببەنبەڕێوە".

ن. ن