مەودا میدیا-

حکومەتی هەرێمی کوردستان سەبارەت بە گرنگیدان بە زمانی کوردی لە شوێنە گشتییەکان، بڕیارێکی نوێی دا؛ هەر شوێنێکیش پابەند نەبێت مۆڵەتەکەی لێوەردەگیرێتەوە.

فەرمانگەی میدیا و زانیاریی حکومەتی هەرێمی کوردستان سەبارەت بە نوێترین بڕیاری حکومەتی هەرێم لەسەر زمانی نووسینی شوێنە گەشتیارییەکان، رایگەیاند "لەمەودوا پێویستە لە سەرجەم شوێنە گەشتیارییەکان، لیستی پێشکەشکردنی خزمەتگوزارییەکان و تابلۆی شوێنەکان و ناوە بازرگانییەکان، زمانی کوردی ببێتە زمانی سەرەکی".

لە راگەیەنراوەکەی فەرمانگەی میدیا و زانیاریی حکومەتی هەرێمی کوردستان ئەوەش خراوەتەڕوو "هەر شوێنێک پابەند نەبێت، مۆڵەتەکەی هەڵدەوەشێنرێتەوە".

س.ر