مەودا میدیا-

 پارتی ژیانی ئازادیی کوردستان- پژاک رایگەیاند، لە هێرشێکی درۆنیی تورکیادا بۆسەر چیای ئاسۆس لە سنووری پارێزگای سلێمانی، دوو ئەندامیان شەهیدبووە.

 

لە راگەیەندراوێکدا ناوەندی چاپەمەنی و راگەیاندنی یەکینەکانی رۆژهەڵاتی کوردستان- یەرەک کە باڵی سەربازیی پارتی ژیانی ئازادیی کوردستان- پژاکە، ئاماژەی بەوەکرد "هێرشەک لەلایەن درۆنێکی تورکیاوە رۆژی دووشەممە لە ناوچەی ماوەت ئەنجامدراوە و تێیدا دوو ئەندامیان شەهیدکراوە".

 
باسی لەوەشکردووە "لە نیوەڕۆدا کاتێک یەکینەکانی ئێمە لە ئەرکی خۆیاندا بوون، بەر بۆردوومانی ئەو درۆنە کەوتوون و لە ئەنجامدا دوو کەس شەهید بوون".

ئەوە لەکاتێکدایە رۆژی دووشەممە  22ی ئابی 2022، درۆنێکی تورکیا چیای ئاسۆسی لە قەزای ماوەت لە سنووری پارێزگای سلێمانی بۆردوومان کرد.

ر. ئ