مەودا میدیا-

لە هەرێمی کوردستان ململانێ سیاسییەکان گەیشتووەتە ئاستێک سزای هاوڵاتییان دەدرێت، بە جۆرێک سەرچاوەی داهاتی ناوچەیەک وشکدەکرێت و داهاتەکەی دەبرێت بۆ ناوچەیەکی دیکە.

عەلی حەمەساڵح، ئەندامی پەرلەمانی کوردستان رایگەیاند "بە پلان خاڵی سنووری باشماخ بەرەو وشکبوون دەبرێت بە جۆرێک داهاتی خاڵە سنوورییەکە 50%  کەمیکردووە و داهاتی ئەم مانگەی تەنها هەشت ملیار دینارە".

ئەو ئەندامی پەرلەمانەی کوردستان وتیشی "هاوکات بە هۆی رێکەوتن و ئاسانکاری زیاتر، داهاتی خاڵی سنووری حاجی ئۆمەران 40% زیادیکردووە".

هەروەها عەلی حەمەساڵح پێی وایە کەمکردنی داهاتی باشماخ لە زیانی دانیشتووانی پارێزگای سلێمانییە و تەنها ئەوان باجەکەی دەدەن، چونکە داهاتی خاڵە سنوورییەکان سەرچاوەیەکی گەورەی دابینکردنی موچە و خزمەتگوزارییەکانە".

ئەوەش لەکاتێکدایە ماوەیەکە پرسی سزادان و گەمارۆدانی سلێمانی، بابەتی گەرمی ژمارەیەک سیاسەتمەدار و چالاکوانی مەدەنی کوردستانە.

س.ر