مەودا میدیا-

بەڕێوەبەرایەتیی تەندروستیی سلێمانی سوپاسی سەرمایەدارێکی سلێمانی دەکات کە سوتەمەنی بۆ ئۆتۆمبێلەکانی فریاکەوتنی سلێمانی دابینکردووە.

لە راگەیەندراوەکەی تەندروستیی سلێمانی هاتووە "سوپاس و پێزانینی خۆمان ئاڕاستەی سەرمایەداری شاری سلێمانی (کاوەی حاجی فایق) دەکەین کە لەسەر ئەرکی بەڕێزیان سوتەمەنی بۆماوەی یەك مانگ بۆ سەرجەم ئەمبوڵانسەکانی فریاکەوتنی تەندروستی سلێمانی دابینکراوە".

ئەم دابینکردنی سوتەمەنیشە دوای ئەوەدێت لە هەفتەی رابردوو بەهۆی نەبوونی سوتەمەنییوە بەشێک لە کارەکانی سەنتەری فریاکەوتنی سلێمانی راگیرا.

س.ر