مەودا میدیا-

پەرلەمانتاری هەدەپە لە بازنەی کۆجائەلی رایدەگەیەنێت پێویستە پەکەکە بەتەواوی چەک دابنێت و لە یەکی ئەیلول رۆژی ئاشتی کێشەکانمان لە پەرلەمان چارەسەربکەین، ئاماژەی بەوەشکرد هەموو کات جەنگ زیان بە مرۆڤایەتی دەگەیەنێت.

ئاژانسی ئەنادۆڵی تورکیا عومەر فاروق گەرگەرلیئۆغڵو، پەرلەمانتاری هەدەپە لە بازنەی کۆجائەلی لەمیانی کۆنگرەیەکی رۆژنامەوانییدا لە پەرلەمانی تورکیا رایگەیاند "ئەمڕۆ 1ی ئەیلولە رۆژی جیهانیی ئاشتییە، نابێت مرۆڤایەتی ئەم دەرفەتە لەدەستبدات کە لە ساڵێکدا جارێک بۆی دەڕەخسێت".

ئاماژەی بەوەشکرد "هەموو کات جەنگ زیان بە مرۆڤایەتی دەگەیەنێت و ئاشتی خۆشی لەگەڵ خۆی دەهێنێت، ئێمە دەزانین کە لە تورکیادا بەهۆی جیاوازی بیروباوەڕی ئایینی و نەتەوەیی کێشە و ململانێ هەیە پێویستە چارەسەرێک بۆ ئەمە بدۆزرێتەوە".

ئەوەشی خستەڕوو "پێویستە پەکەکە بە تەواوی چەک دابنێت و لە 1ی ئەیلول، رۆژی ئاشتی کێشەکانمان لە پەرلەمان چارەسەر بکەین, ململانێ و کوشتن و خوێنڕشتن سوودی بۆکەس نییە، ئێستا لە قۆناغێکداین کە دەبێت چارەسەرێک بدۆزرێتەوە".

س،ر