مەودا میدیا- ژیار ئازاد

هونه‌رمه‌ند زاهیر جه‌لال به‌هۆی به‌ربوونه‌وه‌یه‌كه‌وه‌ ئه‌ژنۆی شكاوه‌ و دۆخی ته‌ندروستیی ناجێگیره‌ و لەژێر چاودێری پزیشکیدایە.

ئه‌مڕۆ شه‌ممه‌ 3ی ئه‌یلولی 2022و زاهیر جه‌لال، هونه‌رمه‌ندی دیاری بواری گۆرانی و نواندن به‌ مه‌ودا میدیای راگه‌یاند "به‌هۆی به‌ربوونه‌وه‌م له‌سه‌ر قادرمه‌ی ماڵه‌كه‌ی خۆم ئه‌ژنۆیه‌كم شكاوه‌ و له‌سه‌ر جێگه‌ كه‌وتووم و چاره‌سه‌ری پزیشكیم بۆ ده‌كرێت".

ئاماژه‌ی به‌وه‌شكرد"رووداوه‌كه‌ رۆژی 16ی ته‌مووزی 2022 روویداو به‌ سه‌ختی له‌سه‌ر قادرمه‌كان به‌ربوومه‌وه‌ و و زیان به‌ر جه‌سته‌م كه‌وت".

هونه‌رمه‌ند زاهیر جه‌لال له‌ دایكبووی ساڵی 1961ه‌و له‌ مانگی تشرینی دووه‌می ساڵی 2020یش به‌هۆی جه‌ڵته‌ی مێشكه‌وه‌ بۆ ماوه‌یه‌كی زۆر له‌ژێر چاودێری پزیشكدابوو.

س.ر