مەودا میدیا- ژیار ئازاد

سەرۆکی ژووری بازرگانی و پیشه‌سازی سلێمانی رایگەیاند باج لەسەر ئەو کۆمپانیایانە هەڵگیراوە کە کارەکانیان راگرتووە و هاوشێوەی ئەو کۆمپانیایانە هەژماریان بۆ ناکرێت کە کاردەکەن.

سیروان محەمەد، سەرۆکی ژووری بازرگانی و پیشه‌سازیی سلێمانی بە مەودا میدیای راگەیاند "بەپێی رێنماییەکانی ساڵی 2019 چیتر باج لەو کۆمپانیایانە وەرناگیرێت کە کارناکەن لەبەر ئەوەی باج لە داهات وەردەگیرێت و ئەو کۆمپانیایانەش کاریان راگرتووە و داهاتیان نییە".

ئاماژەی بەوەشکرد "وەزیری دارایی پێی راگەیاندوون ئاگاداری ئەو جۆرە کۆمپانیایانە بکەنەوە بۆ ئەوەی سەردانی بەڕێوەبەرایەتیی باج بکەن بۆ ئەوەی رێککارە یاساییەکانیان بۆ تەواو بکرێت و باجی تەنها یەک ساڵیان لێوەردەگیرێت لەکاتی مامەڵەکەدا".

ئەمەش لەدوای ئەوەدێت، لەماوەکانی رابردوودا بەشێکی زۆر لە کۆمپانیاکان مایەپووچ بوون و کارەکانیان بەهۆی نەبوونی بودجەوە راگرتبوو.

س.ر