مەودا میدیا- ژیار ئازاد

سه‌رۆكی ئه‌نجومه‌نی پارێزگای سلێمانی رایدەگەیەنێت بڕیاره‌كانی سه‌رۆكی یه‌كێتیی نیشتمانیی كوردستان حكومه‌تی گورج كردووه‌ته‌وه‌، ئاماژەی بەوەشکرد ئەم هەوڵانەش بۆ رێکخستنەوەی داهاتی سلێمانییە.

ئازاد محه‌مه‌د ئه‌مین، سه‌رۆكی ئه‌نجومه‌نی پارێزگای سلێمانی رایگه‌یاند "بافڵ جه‌لال تاڵه‌بانی، سه‌رۆكی یه‌كێتیی نیشتمانی كوردستان تاوه‌كو ئێستا تاكه‌ كه‌سه‌ توانیویەتی رووبه‌ڕووی ئه‌م شێوازه‌ گه‌نده‌ڵكارییه‌ بوه‌ستێته‌وه‌ و هه‌وڵه‌كانی له‌گه‌ڵ جێگری سه‌رۆكی حكومه‌ت و لایه‌نه‌كان بۆ رێكخستنه‌وه‌ی داهاتی سلێمانییه‌ و حكومه‌تیش گورج بووه‌ته‌وه‌".

ئاماژه‌ی به‌وه‌كرد "بڕیاره‌كان ته‌نها چه‌ند فه‌رمانبه‌ر و به‌ڕێوه‌به‌رێك ناگرێته‌وه‌ و له‌ رۆژانی داهاتوودا چه‌ندین به‌رپرسی گه‌وره‌ ده‌ستگیرده‌كرێن كه‌ له‌ گه‌نده‌ڵی تێوه‌گلاون".

ئه‌مه‌ له‌دوای ئه‌وه‌دێت له‌ مانگی رابردوودا، بافڵ جه‌لال تاڵه‌بانی، سه‌رۆكی یه‌كێتیی نیشتمانیی كوردستان بڕیاریدا رێككاری یاسایی و حزبی تووند به‌رانبه‌ر هه‌ر كه‌سێك بگیرێته‌به‌ر كه‌ به‌رپرسیارێتییه‌كه‌ی بو َ به‌رژه‌وه‌ندیی تایبه‌ت به‌كارده‌هێنێت.

س.ر