مەودا میدیا-

سه‌رۆكی ئەنجومەنی وەزیرانی هه‌رێمی كوردستان رایگه‌یاند، حكومه‌ت له‌ ئه‌مڕۆوه‌ ده‌ستی به‌ چاكسازییه‌كی بنه‌ڕه‌تی كردووه‌ بۆ دابینكردنی ده‌رمانی باشتر بۆ هاوڵاتییان.

مه‌سرور بارزانی، سه‌رۆكی ئەنجومەنی وەزیرانی هه‌رێمی كوردستان له‌ هه‌ژماری تایبه‌تی خۆی له‌ تۆڕی كۆمه‌ڵایه‌تیی تویته‌ر لە تویتێکدا دەڵێت "له‌ رێگه‌ی گرێبەستی شەفافەوە دەرمانی کوالێتی باشتر بۆ هاوڵاتییانمان دابین دەکەین بە تێچووی کەمتر".

ئاماژەی بەوەشکردووە "ده‌رمانی كوالێتی باشتر به‌ نرخی گونجاو دابین ده‌كرێن و بۆ یه‌كه‌مجاریشه‌ ته‌نده‌ر بۆ دابینكردنی ده‌رمان راده‌گه‌یه‌ندرێت و نرخی 230 جۆری ده‌رمان ده‌ستنیشان ده‌كرێت".

ر. ئ