مەودا میدیا- ژیار ئازاد

بەڕێوەبەری نەخۆشخانەی منداڵبوونی سلێمانی هۆشداری له‌ باره‌ی به‌رزبوونه‌وه‌ی رێژەی نەزۆکی لە سلێمانی بە رێژەیەکی بەرچاو ده‌دات و هۆكاره‌كه‌ی ده‌خاته‌ڕوو.

شلێر فایەق، بەڕێوەبەری نەخۆشخانەی منداڵبوونی سلێمانی لە لێدوانێکی رۆژنامەوانیدا رایگه‌یاندووه‌ "خه‌ڵكێكی زۆر له‌ سلێمانی تووشی نه‌زۆكی پێشوه‌خت واته‌ ئه‌و خێزانانه‌ی پێش مناڵبوون منداڵییان نابێت و پاشوه‌خت  واته‌ ئه‌و خێزانانه‌ی دوای منداڵبوون ناتوانن منداڵی دیكه‌یان ببێت بوون و رێژه‌كه‌ به‌ به‌راورد به‌ چه‌ند ساڵی رابردوو له‌ به‌رزبوونه‌وه‌دایه‌ ".

ئاماژه‌ی به‌وه‌شكرد "هۆکاری زۆربوونی رێژەی نەزۆکی لە سلێمانی بۆ کێشەی دەروونی دانیشتوانەکەی دەگەڕێتەوە و لەدایکبوونه‌كانی ئێستا بە نەشتەرگەری زیاتر ده‌كرێت بەشێوەیەک گەیشتووەتە 34%، لە کاتێکدایە بەپێی بنەماکانی رێکخراوی تەندروستیی جیهان دەبێت رێژەی لەدایکبوون 25% زیاتر نەبێت".

ر. ئ