مەودا میدیا-

وەزارەتی كارەبای حكومەتی هەرێمی كوردستان لە راگەیاندراوێكدا بڵاویكردەوە ئەمڕۆ پێنجشەممە 8ی ئەیلولی 2022 کەمال محەمەد ساڵح، وەزیری کارەبا سەردانی بەڕێوەبەرایەتیی گشتیی کارەبای هەولێری کرد و لەگەڵ بەڕێوەبەران و فەرمانگەکانی کارەبای هەولێر کۆبووەوە.

بەپێی راگەیاندراوەكە لە کۆبوونەوەکەدا ئەم بڕیارانەی خوارەوە دران:

- بۆ وەرزی زستان بەرهەمهێنانی کارەبا زیاد دەکرێت.

- هەڵمەتی نەهێشتنی سەرپێچیەکان فراوان دەکرێت.

- جەخت لەسەر وەرگرتنی كرێی کارەبا کرایەوە.

- کار بۆ کەمکردنەوە و چارەسەری بارزۆری لەسەر تۆڕەکانی کارەبا دەکرێت.

- دوو وێستگەی مۆبایل بۆ پارێزگای هەولێر دابیندەکرێت.

- دەوامی دوانیوەڕوان تا کاتژمێر 5ی ئێوارە بۆ بەشی فرۆشتنی وزە دەکرێتەوە.

س.ر