مەودا میدیا- ژیار ئازاد

شارەزایەکی کەشناسی رایگەیاند، کۆتایی ئەم هەفتەیە بارستە هەوایەکی سارد و وشک روو لە ناوچەکە دەکات و خێرایی با زیاددەکات.

ئەمڕۆ یەکشەممە 11ی ئەیلولی 2022، ئاراس جەبار، شارەزای کەشناسی رایگەیاند "لە کۆتایی ئەم هەفتەیەوە بارستە هەوایەکی سارد و وشک روو لە ناوچەکە دەکات و کاریگەرییەکانیشی بە کەمبوونەوەی پلەکانی گەرما تا رادەی پێنج پلە دەستپێدەکات".

باسی لەوەشکرد "خێرایی با دەگاتە 20 بۆ 30 کیلۆمەتر لە کاتژمێرێکدا و لەسەرەتاوە ئەگەری کەمێک خۆڵبارین بۆ ماوەیەکی کورت هەیە و بە دەستپێکی کەشێکی پایزی دادەندرێت".

ر. ئ