کوردستانی
هاتوچۆی بارهەڵگر لەم کاتەی رۆژدا قەدەغەکرا
مەودا میدیا - سلێمانی |
مەودا میدیا- ژیار ئازاد
بەڕێوەبەرایەتیی هاتوچۆی سلێمانی بەهۆی دروسبوونی قەرەباڵغی لە شەقامەکاندا هاتوچۆکردنی بارهەڵگری لەکاتی دەستپێکردنی دەوامدا قەدەغەکرد.
بەڕیوەبەرایەتیی هاتوچۆی سلێمانی رایگەیاندووە "ئاگاداری شۆفێرانی بارهەڵگر دەکەینەوە بۆ کەمکردنەوەی قەرەباڵغی شەقامەکان نابێت لەکاتژمێر 7 بۆ 9ی سەرلەبەیانی بێنە سەرشەقامەکان".
ئاماژە بەوەشکراوە "هەر شۆفێرێک پابەندی بڕیارەکە نەبێت و لەوکاتەدا بێتە سەرشەقامەکان لێپێچینەوەی یاسایی لەگەڵدەکرێت".
ئەمە لەدوای ئەوەدێت، دوێنی سێشەممە 13ی ئەیلول یەکەم رۆژی دەسپێکی ساڵی نوێی خوێندن بوو لە هەرێمی کوردستان و بەیانیان لەگەڵ دەستپێکردنی دەوامدا قەرەباڵغییەکی زۆر لە شەقامەکاندا دروستدەبێت.
ژ.ئ
ژ.ئ
بیروڕا
