مەودا میدیا-

خوشکی ئەو کوڕەی هەفتەیەک لەمەوبەر لە ناحیەی قەرەداغ رووبەڕووی هێزە ئەمنییەكان بووەوە، بە چەك و نارنجۆکەوە هەڵیكوتاوەتە سەر بینای دادگەی سەیدسادق و دەستڕێژی كردووە.

بەپێی زانیارییەکانی مەودا میدیا، بەرەبەیانی ئەمڕۆ هەینی 16ی ئەیلولی 2022 خوشکی ئەو کوڕەی هەفتەیەک لەمەوبەر لە ناحیەی قەرەداغ رووبەڕووی هێزە ئەمنیەكان بووەوە، بە چەك و نارنجۆکەوە هەڵیكوتاوەتە سەر بینای دادگەی سەیدسادق و دەستڕێژی كردووە، ویستویەتی نارنجۆکەکە هەڵبداتە ناو دادگەی سەیدسادقەوە، بەڵام هێزە ئەمنییەکان رێگرییان لێکردووە و دەستگیریانکردووە.

هەر بەپێی زانیارییەکانی مەودا میدیا، کچەکە تەمەنی 17 ساڵە و ناوی (س،م) و خەڵکی قەزای سەیدسادقە  و لەئێستادا لێکۆڵینەوەی لەگەڵدا دەکرێت.

ئەمەش دوای ئەوە دێت، هەفتەی رابردوو کوڕێک لە ناحیەی قەرەداغ رووبەڕووی هێزە ئەمنییەکان بووە و بەهۆیەوە کوڕەکە کوژرا و چەند کارمەندێکی هێزە ئەمنییەکانیش برینداربوون.

س،ر