مەودا میدیا-

ئه‌نجومه‌نی سه‌ركردایه‌تیی یه‌كێتیی نیشتمانیی كوردستان رایگەیاند، پێویستە وه‌ڵامی ئه‌و ناهه‌قییانه‌ بدرێنه‌وه‌، كه‌ ده‌رهه‌ق به‌ خه‌باتی مێژوویی یه‌كێتی و سه‌ركرده‌كانی كراون.

لە راگەیەندراوێكدا ئه‌نجومه‌نی سه‌ركردایه‌تیی یه‌كێتیی نیشتمانیی كوردستان ئاماژە بەوەدەکات "ئەنجومەنەكە به‌ سه‌رۆكایه‌تیی بافڵ جه‌لال تاڵه‌بانی كۆبوونه‌وه‌ی ئاسایی خۆی كرد و ته‌رخانكرا بۆ كاروباری رێكخراوه‌یی مه‌كته‌ب و ئۆرگانه‌كانی یه‌كێتی، لەو باره‌یه‌وه‌ رێوشوێنی پێویست گیرانه‌به‌ر".

لە بەشێکی دیکەی راگەیەندراوەکەدا هاتووە "پێویستیی داكۆكیكردن له‌ مێژووی پڕ سه‌روه‌ری و شانازیی یه‌كێتیی نیشتمانیی كوردستان و شۆڕشی نوێی گه‌له‌كه‌مان".

ئەوەش خراوەتەڕوو "كۆبوونه‌وه‌ بڕیاری دا بۆ پارێزگاریكردن له‌ ره‌وتی ئه‌و مێژووه‌ له‌ هه‌ر شێواندن و چه‌واشه‌كارییه‌ك، له‌ رێی به‌ڵگه‌ و دیكۆمێنتی پشتڕاستكراوه‌وه‌ داكۆكی له‌و مێژووه‌ و سه‌روه‌رییه‌كانی بكرێت، به ‌تایبه‌تی وه‌ڵامی ئه‌و هه‌موو ناهه‌قییانه‌ بدرێنه‌وه‌ كه‌ ماوه‌یه‌كه‌ له‌ رێی چه‌ند كتێبێكی چه‌واشه‌كارانه‌وه‌ ده‌رهه‌ق به‌ خه‌باتی مێژوویی یه‌كێتی و سه‌ركرده‌كانی كراون و مێژووی گه‌له‌كه‌مان و ره‌مزه‌كانی  به ‌لاڕێدا ده‌به‌ن".

ر. ئ