مەودا میدیا-

باڵیۆزخانەی ئەمه‌ریکا لە بەغدا ھۆشداری دەداتە هاوڵاتیانی وڵاتەکەی و داوایان لێ دەکات سەردانی عیراق نەکەن. 

باڵێوێزخانەی ئەمریکا لە بەغدا رایگەیاند "جگە لە ھەرێمی کوردستان لە تەواوی پارێزگاکانی دیکەی عێراق بارودۆخ ئاڵۆزە و ئەگەری خۆپیشاندانی فراوان ھەیە و رێكکاری ئەمنی توند گیراونەتەبەر".

بۆ ئەو مەبەستەش باڵیۆزخانەی ئەمه‌ریکا لە بەغدا ھاولاتیانی وڵاتەکەی ئاگاداردەکاتەوە "کە سەرەرای ئەوەی ئەمڕۆ 10ی کانونی یەکەمی 2019 لە عیراق کراوەتە پشوو، بەڵام ئەگەری خۆپیشاندانی فراوان ھەیە و داوا له‌ هاوڵاتیانی دەکات جگە لە ھەرێمی کوردستان سەردانی ھیچ پارێزگایەکی دیکەی عیراق نەکه‌ن".

ئەمەش لە کاتێکدایە، بڕیارە ئەمڕۆ خۆپیشاندانی پێنج ملیۆنی لە شاری بەغدا بەڕێوەبچێت و پێشبینی دەکرێت خۆپیشاندانەکانی ئەمڕۆ ئاڵۆزی زۆری تێبکەوێت.