مەودا میدیا-

وەزارەتی پەیوەندییەکانی عیراق رایدەگەیەنێت لە سەرەتای مانگی داهاتووەوە نرخی کارتی ئینتەرنێت و مۆبایل کەمدەکرێتەوە و بڕیارەکە دەچێتە بواری جێبەجێکردنەوە.

وەزارەتی پەیوەندییەکانی عیراق لە نووسراوێکدا کە هیام یاسری، وەزیری پەیوەندییەکانی عیراق واژۆی لەسەرکردووە تیادا هاتووە "لە چوارچێوەی جێبەجێكردنی بڕیاری ئەنجومەنی وەزیرانی عیراق دەبێت نرخی بەشداریكردنی ئینتەرنێت بە هەموو جۆرەكانی و بۆ تەواوی لایەنە تەكنیكییەكان بە رێژەی لە 20% كەم بكرێتەوە".

ئاماژە بەوەشکراوە "بڕیارەکەش لە 1ی 12ی 2022 جێبەجێدەكرێت و هەر كۆمپانیایەك سەرپێچی بكات، رێوشوێنی یاسایی بەرانبەر دەگیرێتەبەر".

س،ر