مەودا میدیا-
بەهای تومەنی ئێرانی بەرامبەر بە دۆلاری ئەمەریكی بەشێوەیەكی بەرچاو دابەزی و بەهای هەر  100 دۆلارێكی ئەمەریكی گەیشتە 11 ملیۆن و 370 هەزار تومەن.

والی عەلی، خاوەنی یەكێك لە نوسینگەكانی دراو بە مەودا میدیای راگەیاند"ئەمڕۆ نرخی تومەنی ئێرانی بەشێوەیەك دابەزیوە كە بۆ ئەوانیش جێگەی باوەڕ نییە". 

وتیشی"بەهای 100 دۆلاری ئەمەریكی ئەمڕۆ گەیشتووەتە 11 ملیۆن و 370 هەزار تومەن، كە ئەوەش دابەزینێكی بەرچاو و مێژووییە بۆ بەهای تومەن". 

ئاماژەی بۆ ئەوەشكرد"جگە لەو گەمارۆ ئابوری و هەڕەشە سەربازییانەی كە ئێستا لەسەر ئێران هەیە، بارودۆخی ناوخۆیی ئەو وڵاتە یەكێكی ترە لە هۆكارەكانی داڕمانی ئابوری ئێران و دابەزینی بەرچاوی نرخی تومەن". 
ئ پ