مەودا میدیا- ژاڵە محەمەد 

ناخۆشترین هەواڵ بۆ ژنان ئەوەیە پێی بڵێن ئیتر منداڵت نابێت، چونکە دەرفەتی دایکاتیی لێدەسنرێتەوە، ئەمە هەواڵێکە چەند ساڵ پێش ئێستا پسپۆڕێکی ژنان بە "نوور دلینگ" ی وتبوو لە سوئید.

ئەم خانمە لەبەر ئەوەی ئەزموونێکی ناخۆشی لەدووگیانی بووە و لەدوای دووگیانبوونی منداڵەکەی لەدەستدەدات و دواتر پێی دەڵێن منداڵدانی تووشی زیان بووە و ئیتر ناتوانێت منداڵی ببێت وایکردبوو نائومێد بێت، بەڵام ئەو نائومێدییە زۆری نەخایاند و پێچەوانەی قسەی دکتۆرەکان، نوور بوو بە خاوەنی 11 منداڵ.

دواتر پزیشکەکان، دووگیانی ئەم خانمەیان بە موعجیزە ناوبرد و وتییان ئەوەی روویداوە سەرسووڕهێنەرە، لەبەر ئەوەی منداڵدانی نوور زیانی پێگەیشتووە و ناتوانێت کۆرپەلە هەڵبگرێت.

ژ.م