مەودا میدیا-

قائیمقامی سلێمانیش رایدەگەیەنێت رێوشوێنی پێویست بۆ بەرەنگاربوونەوەی ڤایرۆسەی کۆرۆنا گیراوەتەبەر ئاماژە بەوەشدەکات پێویستە خاوەن پیشەكان شانبەشانی لایەنە پەیوەندیدارەكان شوێنكارەكانیان پاكژ كەنەوە.

قائیمقامیەتی سلێمانی ئەمڕۆ شەممە سەبارەت بەڕێگریكردن لە بڵاوبوونەوەی ڤایرۆسی كۆرۆنا كۆبۆوە و دوای كۆبوونەوەكەش ئاوات محەمەد قائیمقامی سلێمانی بەرۆژنامەنوسانی راگەیاند "بۆ رێگریكردن لە بڵاوبوونەوەی ڤایرۆسی كۆرۆنا پێویستمان بە هاوكاری هاوڵاتییان هەیە و پێویستیشە خاوەن پیشەكان شانبەشانی لایەنە پەیوەندیدارەكان شوێنكارەكانیان پاكژ كەنەوە".

ئاماژەی بەوەشکرد "پێویستە هاوڵاتییان نەچنە شوێنە گشتییەكان و رێگری لە هەموو كۆبوونەوەیەكیان بكرێت،  چونکە ئەوە هۆکارە بۆ بڵاوبوونەوەی ڤایرۆسەکە".

ئەوەشی خستەڕوو "رێوشوێنی پێویست بۆ بەرەنگاربوونەوەی ڤایرۆسی كۆرۆنا گیراوەتەبەر و لە بازاڕ و شوێنە گشتییەكانیش رێگری لە بڵاوبوونەوەی ڤایرۆسەكە دەكەین".