مەودا میدیا-

 

بانکی ناوەندی رەتیکردەوە کە دۆلار بە هاوڵاتییان نافرۆشێت و لە راگەیەندراوێکدا باسی لەوە کرد، رۆژانە خەڵک بە مەبەستی جیاواز سەردانییان دەکەن و ئەوان دۆلارییان بە نرخی پێشوو پێدەفرۆشن.

لەدوای بڵابوونەوەی دەنگۆی ئەوەی کە بانکی ناوەندی دۆلار بە هاوڵاتییان نافرۆشێت، بانکی ناوەندی عیراق لە رونکردنەوەیەکدا رایگەیاند، ئەو هەواڵە راست نییە و رەتیکردەوە کە نەختینەی دۆلاری بە هاوڵاتییان سنووردار کرد بێت.

لە راگەیەندراوەکەدا هاتووە، ئەوان رۆژانە دۆلار بە هاوڵاتییان دەفرۆشن و فرۆشەکەشییان زیاتر بەمەبەستی گەشتوگوزار و بۆ خوێندن و چارەسەری تەندروستییە لە دەرەوەی وڵات.

راگەیەندراوەکەی بانکی ناوەندی لە کاتێکدایە، نرخی دۆلار بەرامبەر دیناری عیراقی بەردەوام بەرز دەبێتەوە و ئەمڕۆ لە بازاڕدا هەر 100 دۆلار بە 164 هەزار دینار مامەڵەی پێوەکراوە.

  

ژ.م