مەودا میدیا -

 

بانکی ناوەندی عیراق بۆ دابەزاندنی بەهای دۆلار رێکارێکی نوێی گرتەبەر و بڕیاری دا فرۆشی نەقدی بە کۆمپانیاکانی ئاڵوگۆری دراوەکان زیاد بکات بۆ دوو ملیۆن دۆلار هەفتانە .

 

بە پێی نوسراوێکی ئەمڕۆ پێنجشەممە 2ی ئازاری 2023ی بانکی ناوەندی عیراق کە ئاراستەی کۆمپانیاکانی ئاڵوگۆری دراوی کردووە هاتووە "بڕیاردراوە کە هەفتانە فرۆشی دۆلار بەنەقد بە کۆمپانیاکانی ئاڵوگۆڕی دراوەکان زیادبکەن و بڕی ئەو زیادکردنەش بۆ هەر هەفتەیەک بگاتە دوو ملیۆن دۆلار ".

 

بانکی ناوەندی عیراق ئەوەشی خستەڕوو "دەمانەوێت بەهای دۆلار سەقامگیر بکەین و ئەم هەنگاوەش بۆ ئەو مەبەستەیە، ئەو دۆلارەی کە بە نەقد هەفتانە دەفرۆشرێت بە کۆمپانیاکانی ئاڵوگۆڕی دراو لە جۆری A زیاد دەکرێت و بڕەکەشی بۆ هەفتەیەک دەگاتە دوو ملیۆن دۆلاری ئەمەریکی ".

 

بەپێی ئەم نوسراوەی کە لە خوارەوە دانراوە، کۆمپانیاکان دەتوانن لە رۆژی یەکشەممەوە داواکارییەکانیان پێشکەش بکەن.

ر.ع