مەودا میدیا-

درەنگانی شەوی رابردوو فڕۆكەكانی توركیا بۆردومانی گوندێكی سەر بە ناحییەی قەسرێیان كرد.

فڕۆكەكانی توركیا بۆردومانی گوندی ماونانی سەر بە ناحییەی قەسرێى له قەزای چۆمانی سەر بە پارێزگای هەولێر كردووە، بەهۆیەوە ماڵێكی وێران كردووە و زیانێكی زۆری ماددەی لێكەوتوەتەوە.

بۆردومانەكە زیانی گیانی بەدواوە نەبووە و بەڵام دڵە راوكێ لای هاوڵاتیانی گوندە دروستكردووە و بەهۆیەوە ماڵەكانیان چۆڵكردووە.

ناوە ناوە فڕۆكەكانی توركیا بۆردومانی ناوچەكانی سنوری قەندیل و دەوروبەری دەكەن و زیانی گیانی و ماددی زۆر بەر هاوڵاتیانی ئەو ناوچانە دەكەوێت.