مەودا میدیا- 

وەزارەتی دارایی و ئابووریی حکومەتی هەرێمی کوردستان بە مەبەستی ئاسانکاری زیاتر بۆ دابەشکردنی مووچەی خانەنشینان و کەسوکاری شەهیدان، نووسینگەیەکی دیکەی دابەشکردنی مووچەی لە سلێمانی کردەوە.

ماڵپەڕی فەرمی حکومەتی هەرێمی کوردستان بڵاویکردەوە، لە درێژەی هەوڵەکانی وەزارەتی دارایی و ئابووریی هەرێمی کوردستان بۆ کارئاسانی لە دابەشکردنی مووچەی خانەنشینان و کەسوکاری شەهیدان و ئەنفالکراوان، بانکی مەڵکەندی لە سلێمانی نووسینگەیەکی دیکەی بە شێوازێکی پێشکەوتوو بە دابەشکردنی مووچەی ئەو چین و توێژانە کردەوە.

شۆخان عومەر، بەڕێوەبەری بانکی مەڵکەندی رایگەیاند: "لە چوارچێوەی هەوڵەکانیان بۆ زیاتر خزمەتکردنی توێژى خانەنشین و کەسوکاری شەهیدان و ئەنفالکراوان، رۆژی پێنجشەممە 16ى ئاداری 2023 نووسینگەی ژمارە پێنج لە سەنتەری شاری سلێمانی کرایەوە".

ئاماژەی بەوەشکرد "سەرجەم خزمەتگوزارییەکانی تیادا دابینکراوە و بە شێوەیەکی تەندروست و لە ماوەیەکی کورتدا ئەو چین و توێژانە دەتوانن مووچەکانیان وەربگرن".

س،ر