مەودا میدیا -

 

پزیشکێکی پسپۆڕی هەناوی و شەکرە رایدەگەیەنێت کە ئاوی زەمزەم پاکترین و پیرۆزترین ئاوە لەسەر زەوی و سوودەکانی زۆرزیاترن.

 

ئەمڕۆ یەکشەممە 16ی نیسانی 2023 د. داهات حەوێزی پزیشکی پسپۆڕی هەناوی و شەکرە رایگەیاند "خواردنەوەی ئاو جگە لەوەی پێویستییەکی سەرەکی ژیانە زۆر سوودی تەندروستیی دیکەیشی هەیە بۆ جەستەی مرۆڤ و هەموو رۆژێک خواردنەوەی 2  بۆ 3 لیتر ئاو سوودی زۆرە وەک:

 

١-تەڕبوونەوە و تازە بوونەوەی خانەكانی لەش.

٢-جوانكردن و زیندوو هێشتنەوەی پێست.

٣-شۆردنەوەی گورچیلە و میزەڵدان و رێگریكردن لە هەوكردن و دروست بوونی بەردی گورچیلە.

٤-لابردنی شەكەتی و زیادكردنی ئاگایی.

٥-رێگریكردن و نەهێشتنی سەرئێشە.

٦-پاككردنەوەی جەستەی مرۆڤ لە پاشەڕۆ و مادە زیانبەخشەكان.

٧-یارمەتیدانی پرۆسەی هەرسكردن و نەهێشتنی قەبزی.

٨-بەهێزكردنی فەرمانی ماسولكەكان.

٩-بەهێزكردنی سیستمی بەرگری.

١٠-كۆنتڕۆڵكردنی بەرزەفشاری خوێن و شەكرە.

١١-كەمكردنەوەی سترێس و دڵەڕاوكێ.

١٢-یارمەتیدەرە لە دابەزاندنی کێشدا.

ئەوەشی خستووەتەڕوو "ئەم سوودانە بۆ خواردنەوەی ئاوێكی ئاساییە، بە دڵنیاییەوە بۆ خواردنەوەی ئاوی زەمزەم كە پاكترین و پیرۆزترین ئاوی سەر زەوییە سوودەكانی زۆر زیاترن".