مەودا میدیا- سەباح خضر 

ریال مەدرید بە هەموو شێوەیەک بەدوای گرێبەستێکدا دەگەڕێت بۆ ئەوەی لە هاوینی داهاتوودا بیگوازێتەوە، دوای ئەوەی ئاستی کەریم بنزیما لەم وەرزەدا وەکو پێویست نەبوو.

بێنزیما لەم وەرزەدا 29 گۆڵ و شەش ئەسیستی کردووە لە هەموو یارییەکاندا، بەراورد بە 44 گۆڵ و 15ئەسیست لە وەرزی رابردوودا.

تۆڕی "لیڤەرپوڵ ئیکۆ" رۆژی شەممە رایگەیاند کە ریال مەدرید زۆر گرنگی بە بەدەستهێنانی خزمەتگوزاری هێرشبەری ڕۆبێرتۆ فیرمینۆ لیڤەرپوڵ دەدات وەک گرێبەستێکی ئازاد.

لیڤەرپوڵ لە بەیاننامەیەکی فەرمیدا رۆشتنی رۆبێرتۆ فیرمینۆی راگەیاند دوای تەواوبوونی گرێبەستەکەی لە مانگی حوزەیران.

تۆڕەکە ئاماژەی بەوە کردووە کە بەڕێوەبەرایەتی ریال مەدرید زۆر باوەڕی بە تواناکانی فیرمینۆ هەیە و یاریزانە بەرازیلییەکە دەتوانێت زیادکردنی پێویست بۆ هێرشی یانەی شاهانە دابین بکات.

لە مێزی گفتوگۆدا خاڵێکی ناکۆکی هەیە، چونکە نوێنەرانی فیرمینۆ داوای گرێبەستی دوو یان سێ ساڵ دەکەن، لە کاتێکدا ریال مەدرید ئەمە رەتدەکاتەوە.

ریال مەدرید پێی باشترە گرێبەستێک بدات بە هەر یاریزانێک کە تەمەنی لە 30 ساڵ زیاترە تەنها بۆ ماوەی یەک وەرز، چونکە دەزانێت کە فیرمینۆ تەمەنی هەیە.