مه‌ودا میدیا-

ئه‌مڕۆ یه‌كشه‌ممه‌، محه‌مه‌د شیاع سودانى، سه‌رۆكى حكومه‌تى كاربه‌ڕێكه‌رى عیراق، له‌گه‌ڵ تۆم باراك نێرده‌ى تایبه‌تى سه‌رۆكى ئه‌مه‌ریكا كۆبووه‌وه‌.

دەقی راگەیەندراوەکە:

سەرۆکی ئەنجومەنی وەزیران بەڕێز محەمەد شەیاع سودانی، پێشوازی لە نێردەی تایبەتی سەرۆکی ئەمریکا لە سوریا دەکات

سەرۆکی ئەنجومەنی وەزیران بەڕێز محەمەد شەیاع سودانی، ئەمڕۆ یەکشەممە پێشوازی کرد لە نێردەی تایبەتی سەرۆکی ئەمریکا لە سوریا بەڕێز تۆم باراک.

لە میانی دیدارەکەدا باسیان لە چۆنێتی ئەو پرۆسەیە کرد کە عێراق لە ڕێگەیەوە بتوانێت بەردەوام بێت لە پاڵپشتیکردنی سەقامگیری سوریا و ئاسایش و خۆشگوزەرانی و بوژانەوەی ئابووری، کە لە هەمان کاتدا سەقامگیری و خۆشگوزەرانی عێراق بەهێزتر بکات.

هەروەها لە دیدارەکەدا باس لە ئاڵوگۆڕی بیروڕا سەبارەت بە ڕێگریکردن لە هەر پەرەسەندنێکی زیاتر لە ناوچەکە کرا لەگەڵ پاڵپشتیکردنی ڕێڕەوی دیپلۆماسی بۆ چارەسەرکردنی ناکۆکییەکان و دانانی ناوچەکە لەسەر ڕێگای هاوکاری و گەشەی ئابووری و سەقامگیری درێژخایەن، بەڕێز باراک جەختی لەو ڕۆڵە بنیاتنەر و گرنگە کردەوە کە عێراق دەتوانێت بیگێڕێت بۆ گەیشتن بە ئامانجە هاوبەشەکان.

نوسینگەی ڕاگەیاندنی سەرۆکی ئەنجومەنی وەزیران
30ی تشرینی دووەمی 2025

ع