مه‌ودا میدیا-

دواى هه‌ڵبژاردنى په‌رله‌مانى عیراق، بڕیاره‌ له‌ چه‌ند رۆژى داهاتوو، سه‌رۆك كۆمار داواى دانیشتنى یه‌كه‌م كۆبوونه‌وه‌ى په‌رله‌مانى نوێى عیراق بكات و دواتریش كار بۆ دیاریكردنى كاندیدێك بۆ سه‌رۆكى حكومه‌تى عیراق بكرێت.

به‌پێى زانیارییه‌كانى مه‌ودا میدیا "لە یەكەم دانیشتنی پەرلەمانى نوێى عیراق، پۆستی سەرۆكی پەرلەمان یەكلاده‌كرێته‌وه‌ كه‌ پشكى كورده‌ و له‌ناو كوردیش یه‌كێتیی نیشتمانیی كوردستان ئه‌و پۆسته‌ وه‌رده‌گرێت، هه‌روه‌ها شیعەش سەرۆك وەزیران و سوننه‌ش سه‌رۆكى په‌رله‌مان".

دارا سێكانیانى، ئه‌ندامى پێشووى په‌رله‌مانى عیراق له‌ لیژنه‌ى یاسا به‌ مه‌ودا میدیاى راگه‌یاند "قورسه‌ به‌ یه‌ك دانیشتن ئه‌و پۆستانه‌ یه‌كلایی بكرێنه‌وه‌، ئه‌مه‌ پێویستى به‌ رێككه‌وتن هه‌یه‌ له‌نێوان هه‌رسێ پێكهاته‌ كه‌ عه‌ره‌ب و كورد و سوننه‌ن".

عامر فایز، سەرۆكی هاوپەیمانی تەسمیم وتى "بڕیارە رۆژى دووشەممه‌ چوارچێوەی هاوئاهەنگی كۆبوونەوەیەك ساز بكات و چەند دۆسیەیەك باس دەكات، لەوانە كاندیدی سەرۆك وەزیران، رەنگە لەو دانیشتنە بابەتی كاندیدی سەرۆك وەزیران یەكلا نەكرێتەوە، بەڵام گفتوگۆ لەسەر بابەتەكە دەكرێت، جیا لە باسكردنی دۆسیەی تر".

هه‌روه‌ها "چوارچێوەی هاوئاهەنگی لە ماوەی دوو هەفتە لە دوای یەكلاكردنەوەی ناوی كاندیدان بۆ پۆستەكە لە لایەن لیژنە باڵاكەی بۆ ئەو مەبەستە پێك هێنراوە، ناوی كاندیدی خۆی رابگەیەنێت".

ع