مه‌ودا میدیا-

فه‌رمانده‌یه‌كی پارتی كرێكارانی كوردستان له‌قه‌ندیله‌وه‌ رایگه‌یاند، هیچ هه‌نگاوێكی تر نانێین ئه‌گه‌ر عه‌بدوڵڵا ئۆجه‌لان ئازاد نه‌كرێت، ده‌شڵێت، چه‌ك رووبه‌ڕووى توركیا ناگرین.

ئامه‌د مه‌لازگرد، به‌ ئاژانسى فرانس پرێسی راگه‌یاند "هه‌موو ئه‌و هه‌نگاوانه‌مان ناوه‌ كه‌ به‌ده‌ستپێشخه‌ری عه‌بدوڵا ئۆجه‌لان بوون، به‌ڵام بۆله‌مه‌ودوا هیچ هه‌نگاوێكی تر نانێین ئه‌گه‌ر خودی ئۆجه‌لان ئازاد نه‌كرێت".

وتیشى "له‌مه‌ودوا له‌چاوه‌ڕوانی ئه‌و هه‌نگاوانه‌دان كه‌ ده‌وڵه‌تی توركیا ده‌ینێت، په‌كه‌كه‌ دوو داواكاری هه‌یه‌ كه‌ یه‌كێكیان ئازادكردنی ئۆجه‌لان و ئه‌ویتریشیان داننانی ده‌ستوریی و فه‌رمییه‌ به‌گه‌لی كورد له‌توركیا".

ئه‌وه‌شى خسته‌ڕوو "چه‌ك له‌ رووبه‌رووبونه‌وه‌ی ده‌وڵه‌تی توركیا به‌كار ناهێنن".
ش
لای خۆیه‌وه‌ شه‌ردا مه‌زڵوم كابار، یه‌كێكی تر له‌ژنه‌ سه‌ركرده‌كانی په‌كه‌كه‌ به‌ هه‌مان ئاژانسى راگه‌یاندوه‌ "مادام سه‌رۆك ئاپۆ له‌زینداندایه‌ ئه‌وا گه‌لی كورد ئازاد نییه‌ و گه‌ریلاش هه‌ست به‌ئازادی ناكات".

ع