ئابووری

نرخى گه‌شتكردن بۆ وڵاتى ئێران گۆڕانكاریی به‌سه‌رهات

مەودا میدیا - سلێمانی |


نرخى گه‌شتكردن بۆ وڵاتى ئێران گۆڕانكاریی به‌سه‌رهات

مه‌ودا میدیا-

بەرپرسێکی دەروازەی باشماخ رایگه‌یاند، نرخی رسوماتی گەشتکردن بە ئۆتۆمبێلی تایبەت بۆ ئێران لە 250 دۆلارەوە بۆ 200 دۆلار کەمکراوەتەوە.

مەریوان کەریم سەعید، لێپرسراوی پەیوەندییەکانی دەروازەی باشماخ رایگه‌یاند "جگە لەکەمکردنەوەی نرخی گەشتەکە، ئەو مەرجە لابراوە کە یەک گەشت بکەن لە مانگێکدا و هاوڵاتییان ئازادن لەوەی لە مانگێکدا چەند جار گەشت دەکەن".

وتیشى "رسوماتی هاتنەژورەوەی ئەو هاوڵاتییانەی لە ئێرانەوە دێنە هەرێم 40 هەزار دینارە، ئەوانیش ئازادن لە مانگێکدا چەندجار گەشت دەکەن".

لاى خۆیه‌وه‌ سیروان ئیبراهیم، هاوڵاتیی به‌ مه‌ودا میدیاى راگه‌یاند "چه‌ندین ساڵه‌ به‌ ئۆتۆمبێلى خۆم گه‌شت ده‌كه‌م، به‌ڵام ته‌نها له‌مانگێكدا یه‌كجار بۆم هه‌بووه‌ به‌ ئۆتۆمبێله‌كه‌م بچمه‌ ناو ئێران".

باسى له‌وه‌شكرد "كه‌مكردنه‌وى رسومات و زیادكردنى جاره‌كانى سه‌ردانیكردن كارێكى باشه‌، به‌و پێیه‌ ئه‌وانه‌ى كار ده‌كه‌ن ده‌توانن به‌و ئۆتۆمبێله‌ بچنه‌ ئێران و پێویست و كه‌لوپه‌ل له‌گه‌ڵ خۆیان بهێننه‌وه‌ بۆ ناو خاكى هه‌رێم".

ع
Qaiwan
Qaiwan