مەودا میدیا-

هەڤاڵ ئەبوبەکر، پارێزگاری سلێمانی لە کۆنفرانسێکی رۆژنامەوانیدا چەند بڕیارێکی نوێی بۆ رووبەڕووبوونەوەی ڤایرۆسی کۆرۆنا راگەیاند، لەوانەش:

-راگرتنی هاتووچۆ نێوان قەزا و ناحییەکان.

-راگرتنی هەموو هێڵەکانی گشتی وەک پاس و مینی پاس.

-داخستنی هەموو کافتریا و چایخانە و شوێنی جەنجاڵ.

-هەر لایەنێک پابەند نەبێت و نرخ بەرزبکاتەوە، سزا دەدرێت.

-ئەو کەسانەی بە قاچاخ بگەڕێنەوە، وەک تاوانبار سەیر دەکرێن.

پارێزگاری سلێمانی داواشی لەسەرجەم هاوڵاتییان کرد کە لەماڵەکانی خۆیاندا بمێنەوە و رێنماییەکان جێبەجێ بکەن بەمەبەستی هاوکارکردنی تیمەکانی تەندروستی و لایەنە پەیوەندیدارەکان.