مەودا میدیا- سەباح خضر 

یاریزانی باڵی بەرشەلۆنە عوسمان دیمبلی قۆناغی بڕیاردەری دەستپێکرد بۆ دیاریکردنی داهاتووی لەگەڵ بارسا لە قۆناغی داهاتوودا.

دێمبێلی تا ساڵی 2024 گرێبەستی لەگەڵ یانەی بلوگرانا هەیە، بەڵام ئێستا دەتوانێت بە بڕی 50 ملیۆن یۆرۆ سزا وەربگرێت.

بەگوێرەی رۆژنامەی مۆندۆ دیپۆرتیڤۆی ئیسپانی، دێمبێلی بەشێکی تەواوی پڕۆژەکەی چاڤی هێرناندێز لە بەرشەلۆنەیە و یانە کەتەلۆنییەکە لە ئێستادا دەستی کردووە بە نوێکردنەوەی گرێبەستەکەی کە لە 30ی حوزەیرانی 2024 کۆتایی دێت و پێشنیاری نوێکردنەوەی گرێبەستەکەی تا ساڵی 2027 وەرگرتووە.

 بڕگەی سزادانی گرێبەستەکەی دێمبێلی لە 100 ملیۆن یۆرۆوە بۆ 50 ملیۆن یۆرۆ کەمکرایەوە، بەڵام تەنها بە مەرجێک پارەکە لە مانگی حوزەیران یان تەممووزدا بدرێت.

یانەی بەرشەلۆنە تەنها نیوەی بەهای سزاکە وەردەگرێت، کە 25 ملیۆن یۆرۆیە، لە کاتێکدا نیوەکەی دیکە دەچێتە لای موسا سیسۆکۆ، بریکاری دیمبلی.

رۆژنامەی ئیسپانیەکە رایگەیاند: کە دێمبێلی هەست بە ئاسوودەیی دەکات لە ژووری جلوبەرگی بەرشەلۆنە و رێزێکی زۆری لەلایەن چاڤییەوە هەیە، بۆیە ئێستا بیر لەوە ناکاتەوە کە لە گرێبەستەکەیدا سوود لە بڕگەی سزادان وەربگرێت.