مەودا میدیا- سەباح خضر

یانەی بەرشەلۆنەی ئیسپانی. درێسە نوێیەکەی بۆ وەرزی داهاتوو 2023-2024 ئاشکراکرد.

هەژماری فەرمی یانە کەتەلۆنییەکە لە تۆڕی کۆمەڵایەتی تویتەر ژمارەیەک یاریزانی تیپی یەکەم نیشان دەدات کە درێسێکی نوێیان لەبەردایە، ئەوانیش لیڤاندۆڤسکی، ئاراوخۆ، گاڤی، کۆندێ، دیمبلی، پێدری، ئەنسو فاتی و باڵدێ.

هەروەها ژمارەیەک لە یاریزانەکانی یانەی خانمان و چەند یاریزانێکی گەنجیش دەرکەوتن.

وەرزی رابردوو یانەی بەرشەلۆنە پاڵەوانێتی لالیگا و جامی سوپەری ئیسپانیای بردەوە لەژێر سایەی ئەفسانەی پێشووی بلوگرانا و راهێنەری ئێستا Xavi Hernandez.

یانەی بەرشەلۆنە هەوڵدەدات لە وەرزی نوێدا بگەڕێتەوە سەر ئاستی ئەوروپا، دوای شکستی وەرزەکانی ئەم دواییە، کە تیایدا بەزووی لە قۆناغی کۆمەڵەکانی خولی چامپیۆنسلیگ ماڵئاواییان کرد.