مەودا میدیا- سەباح خضر 

فلۆرنتینۆ پێرێز سەرۆکی یانەی ریال مەدرید بیر لە گەڕاندنەوەی راهێنەری پێشووی یانەی شاهانەی ئیسپانیا زیندین زیدان دەکاتەوە.

زیدان لە هاوینی 2021 ریال مەدریدی جێهێشت دوای وەرزێک کە تیایدا ریال بە دەستی بەتاڵ دەرچوو.

بەگوێرەی رۆژنامەی ئیسپانی "AS"، پێرێز بیر لە گەڕاندنەوەی زیدان دەکاتەوە بۆ سانتیاگۆ بێرنابیۆ، بەڵام وەک بەڕێوەبەری تەکنیکی نا، بەڵکو رۆڵی ئەو لە بەڕێوەبەری تەکنیکی یانەکە دەبێت.

وتیشی: خواستی پێرێز بۆ گەڕاندنەوەی زیدان پەیوەندی بە بەرژەوەندی ریاڵ مەدریدەوە هەیە بۆ واژۆکردنی یاریزانی فەڕەنسی کیلیان مباپێ، ئەستێرەی یانەی پاریس سان جێرمان کە پەیوەندییەکی تایبەتی لەگەڵ زیزۆ هەیە.

پێرێز لەو باوەڕەدایە کە هەبوونی زیدان لە پۆستی سەرکردایەتی لە ریال مەدرید ئاسانکاری دەکات بۆ واژۆکردنی گرێبەست لەگەڵ ئێمباپی، کە پێشتر خواستی خۆی بۆ مەشقکردن لەژێر ئەفسانەی فەڕەنسیدا دەربڕیوە.

پێرێز هەروەها باوەڕی بە ڕۆڵی گەورەی زیدان هەیە لە واژۆکردنی دوو یاریزانی فەڕەنسی Aurelien Chouameni و Eduardo Camavinga، هەروەها لێدوانەکەی جود بێلینگهام کە دەڵێت زیزۆ نموونەیی بەرزی منە.

لە هەمان کاتدا یانەی ریال مەدرید دەیەوێت خۆی بپارێزێت ئەگەر راهێنەر ئیتالی، کارلۆ ئەنچێلۆتی وەڵامی فشارەکانی فیدراسیۆنی بەڕازیل بداتەوە بۆ سەرکردایەتی کردنی هەڵبژاردەی سامبا.

دواتر ریال مەدرید بڕیار دەدات زیزۆ وەک بەڕێوەبەری تەکنیکی نوێی یانەکە لە خولی سێیەمدا دەستنیشان بکات.

رۆژنامەکە پشتڕاستی دەکاتەوە کە سەرەڕای هەر جیاوازییەک لە نێوان پێرێز و زیدان، بەڵام راهێنەری فەڕەنسی گرنگی بە گەڕانەوە بۆ مێرینگی نادات، بەتایبەتی لەبەر ئەوەی تا ئێستا لە مەدرید دەژی.