مەودا میدیا- سەباح خضر 

خاڤیر تێباس، سەرۆکی لالیگا دانی بەوەدا نا کە دەیەوێت لیۆنێل میسی ئەستێرەی پێشووی پاریس سان جێرمان بگەڕێتەوە بەرشەلۆنە.

مێسی دوای کۆتایی هاتنی گرێبەستەکەی ئەم هاوینە ریزەکانی یانەی سان جێرمان جێهێشت، بەبێ ئەوەی بەرشەلۆنە بتوانێت جارێکی دیکە بیهێنێتەوە، بۆیە ئەو یاریزانە خولی ئەمریکی و ئەمریکی و یانەی ئینتەر میامی هەڵبژارد.

تێباس لە لێدوانێکیدا بۆ رۆژنامەی "مۆندۆ دیپۆرتیڤۆی ئیسپانی" وتی: وەک هاندەرێک و سەرۆکی خولەکە، خۆزگە میسی لە خولی ئێمەدا بووایە، بەڵام شتەکان وەک یەک بوون و بارودۆخی ئابووری بەرشەلۆنە نەگۆڕاوە.

دڵنیام بەرشەلۆنە یاریزانێکی مەزن دەهێنێت بەبێ گوێدانە ئەو یاریزانانەی لەوێن.

ئەوان لیڤاندۆڤسکییان هێنا، ئەو شێوەیەی کە پێشتر بینیومانە و چی بۆ تیمەکە کردووە، هیوادارم میسی بێت، بەڵام دەتوانین چی بکەین.

بەرشەلۆنە شکستی هێنا لە گەڕاندنەوەی مێسی بەهۆی سنووردارکردنی لالیگا لەسەر ئەوەی کە مووچەکەی جێبەجێ نەکراوە.