مەودا میدیا- سەباح خضر 

بەرشەلۆنە ئامادەکاری دەکات بۆ دەستپێکردنی وەرزی پێش وەرز، دوای پشووی هاوینەی یاریزانەکانیان.

یاریزانەکانی بارسا بڕیارە رۆژی دووشەممە بگەڕێنەوە بۆ مەشقکردن، بەڵام ئەنسو فاتی بۆ ئەو رۆژە دواکەوتووە.

فاتی دوای چەند رۆژێک بەشداری لە خولی راهێنانی یانەکەی دەکات لەگەڵ یاریزانەکانی بارسا کە بەم دواییانە خولی نەتەوەکانی یوفایان لەگەڵ ئیسپانیا بردەوە.

بەگوێرەی رۆژنامەی "مۆندۆ دیپۆرتیڤۆ"ی کەتەلۆنی، فاتی دەیویست ئاستی جەستەیی خۆی لە ماوەی پشووەکاندا باشتر بکات و پلانێکی تایبەتی جێبەجێکرد بۆ بەهێزکردنی جەستەی، بۆ واژۆکردنی وەرزێکی تەواو لەگەڵ بلوگرانا.

فاتی گرێبەستەکەی تا ساڵی 2027 لەگەڵ یانەی بەرشەلۆنە هەیە و بە بریکارەکەی جۆرج مێندێسی راگەیاندووە کە نایەوێت یانەی کەتەلۆنیا جێبهێڵێت، هەرچەندە ئەو بەشێکی سەرەکی راهێنەری یانەکە چاڤی هێرناندێز نییە.  

ئەنسو فاتی یەکێکە لەو کەسانەی کە لە لیستی جیابوونەوەکانی بەرشەلۆنەدایە لەم هاوینەدا، بەپێی راپۆرتە رۆژنامەوانییەکان.