مەودا میدیا- سەباح خضر

یانەی بایرن میونشن پێشنیاری نوێی خۆی ئامادە کردووە بۆ واژۆکردنی گرێبەست لەگەڵ هێرشبەری ئینگلیزی هاری کەین، هێرشبەری تۆتنهام هۆتسپەر لە هاوینی ئەمساڵدا.

بەگوێرەی رۆژنامەی دەیڵی مەیڵی بەریتانی، یانەی بایرن میونشن لە کاتژمێرەکانی داهاتوودا پێشنیارێکی نوێ دەنێرێت بۆ ئەوەی کەین بە بەهای 80 ملیۆن یۆرۆ بکڕێت.

ئەمەش دوای ئەوە هات کە تۆتنهام هۆتسپەر یەکەم پێشنیارەکەی باڤاریای رەتکردەوە کە بەهای تەنها 70 ملیۆن یۆرۆ بوو.

رۆژنامە بەریتانییەکە ئاماژەی بەوەدا کە یانەی بایرن میونشن هەوڵدەدات بەخێرایی گرێبەستەکەی هاری کەین چارەسەر بکات، بەڵام پێناچێت تۆتنهام رازی بێت بەو ژمارەیە کاپتنی خۆی بفرۆشێت.

یانەی بایرن میونشن بڕی 80 ملیۆن یۆرۆ خەرج دەکات بۆ واژۆکردنی یاریزانێک کە گرێبەستەکەی لە هاوینی داهاتوودا کۆتایی دێت.

ڕۆژنامەی دەیڵی مەیڵ ئاشکرای کرد: کە تۆماس توخیڵ، راهێنەری یانەی بایەرن میونشن، پێشتر پەیوەندی لەگەڵ هاری کەین هەبووە و لە سوودەکانی یاریکردن لەگەڵ یانەی باڤاریا قایلی کردووە.