مەودا میدیا- سەباح خضر

راپۆرتێکی رۆژنامەوانی ئیسپانی پێشکەوتنێکی نوێی لە گواستنەوەی ئەستێرەی فەڕەنسی کیلیان مباپێ یاریزانی پاریس سان جێرمان بۆ ریال مەدرید ئاشکرا کرد لە بازاڕی گواستنەوەی هاوینی ئێستادا.

گرێبەستەکەی ئێم باپی لەگەڵ یانەی پی ئێس جی لە کۆتایی وەرزی داهاتوودا کۆتایی دێت و بەڕێوەبەرایەتی یانە فەڕەنسییەکە بەردەوامە لە فشارخستنە سەر ئەوەی کە ئایا گرێبەستەکەی نوێ بکاتەوە یان ئەم هاوینە یانەکە جێبهێڵێت و سوود لەو گرێبەستە وەربگرێت بۆ ئەوەی بە خۆڕایی جێبهێڵێت.

بەگوێرەی رۆژنامەی "AS"ی ئیسپانی، ستافی یانەی ریال مەدرید پێیان وایە ئێمباپێ وەک یاریزانێک بۆ مێرینگی لە نێوان یەکەم و سێیەمی مانگی هەشتی ساڵی داهاتوودا نمایش دەکرێت.

یانەی ریاڵ مەدرید پایتەختی ئیسپانیای بەجێهێشت بۆ ئەمەریکا بۆ دەستپێکردنی گەشتی پێش وەرز. گەیشتە لۆس ئەنجلس دوای گەشتێکی 12 کاتژمێری درێژ.

شاندی یانەی ریال مدرید پێکدێت لە 25 یاریزان و ئەمڕۆ پێنجشەممە لە لۆس ئەنجلس دەست بە راهێنان دەکەن لەژێر راهێنەری ئیتاڵی کارلۆ ئەنچێلۆتی،هەروەها رۆژی یەکشەممەی داهاتوو بەرامبەر میلان یاری دەکەن.