مەودا میدیا - 

 

بەڕێوەبەرایەتیی گشتیی تەندروستیی گەرمیان رایدەگەیەنێت کە یەکەم حاڵەتی نەخۆشی کۆلێرا لە گەرمیان دەستنیشانکراوە و توشبووش ژنێکی تەمەن 24 ساڵانە.

 

ئەمڕۆ پێنجشەممە 31ی ئابی 2023 بەڕێوەبەرایەتیی گشتیی تەندروستیی گەرمیان رایگەیاند "ژنێکی تەمەن 24 ساڵ وەک یەکەم نەخۆشی کۆلێرا لە گەرمیان دەستنیشانکرا و تیمەکانی بەڕێوەبەرایەتیی خۆپاراستنی تەندروستیی گەرمیانیش راسپێردراون تاوەکو بەدواداچوون لە کەیسی ئەو ژنەدا بکەن".

 

باسی لەوەشکردووە "لێکۆڵینەوەکان لەبارەی سەرچاوەی تووشبوونی ئەو ژنەوە بە نەخۆشی کۆلێرا راسپێردراوە بە تیمی خۆپاراستنی تەندروستیی گەرمیان و داواش لە هاوڵاتییان دەکەین کە خۆیان پبارێزن".

 

بۆ دووربوون لە مەترسییەکانی حاڵەتەکانی سکچوون و کۆلێرا جەختی کردووەتەوە "پێویستە هاوڵاتییان رێکارەکانی پاکوخاوێنی و خۆپارێزی و دڵنیابوونەوە لە پاکی سەرچاوەی ئاوی خواردنەوە و بەکارهێنانیان بگرنەبەر".

ر.ع