مەودا میدیا -

 

بەڕێوەبەری کشتوکاڵی سلێمانی رایدەگەیەنێت لەئێستادا نرخی ماسی بۆ هەشت هەزار دینار بەرزبووەتوە کە دوو هێندەی نرخەکەیەتی لە ساڵی پار ئەم کاتانەدا.
 

ئەمڕۆ هەینی 1ی ئەیلولی 2023 شاڵاو جەمال، بەڕێوەبەری کشتوکاڵی سلێمانی رایگەیاند "بەوهۆیەی نرخی گۆشتی سوور بەرزبووەتەوە کاریگەریی راستەوخۆی هەبووە لەسەر بەرزبوونەوەی نرخی ماسی بەشێوەیەکی بەرچاو، هۆکارێکی دیکەش کەمبوونەوەی هاوردەکردنی ماسییە لە ناوەڕاست و باشووری عیراقەوە".

 

باسی لەوەشکردووە "نرخی ماسی زۆر بەرزبووەتەوە بەشێوەیەک یەک کیلۆ ماسی فرێش بە نزیکەی هەشت هەزار دینارە و خواستی هاوڵاتییانیش لەسەری زیادی کردووە بۆیە بەم جۆرەیە".

 

روونیشی کردووەتەوە "هەرچەندە لە رۆژی 15ی حوزەیرانی ئەمساڵەوە وەزی قەدەغەکردنی ماسی هەڵگیراوە، بەڵام تاوەکو ئێستا خواستی بازاڕی ناوخۆی پڕ نەکردووەتەوە و بەم هۆیەش نرخەکەی بە بەرزیی ماوەتەوە".

 
ر.ع