مەودا میدیا - 

 

لە رووداوێکی هاتوچۆدا لە پارێزگای سەڵاحەددین 16 زیارەتکار گیانیان لەدەستا و ژمارەیەکی دیکەش بە سەختی برینداربوون و رەوانەی نەخۆشخانە کران.

 

شەوی رابردوو بەرواری 1ی ئەیلولی 2023 خالید بورهان، بەڕێوەبەری تەندروستیی پارێزگای سەڵاحەددین رایگەیاند "لە رووداوێکی هاتوچۆدا لەنێوان دوجەیل و سامەڕا، 16 کەس گیانیان لەدەستداوە و 13 کەسی دیکەش بەسەختیی برینداربوون".

 

باسی لەوەشکردووە "ئەو زیارەتکارانەی گیانیان لەدەستداوە، زۆربەیان لە ئێرانەوە هاتوون بۆ چلەی ئیمام حسێن و بەشێک لە زیارەتکاران برینەکانیان سەختە و رەوانەی نەخۆشخانەکانی سەڵاحەددین و بەغدا کراون".

 

ئەمەش لەکاتێکدایە، ئامادەکاریی کراوە بۆ هاتنی 500 هەزار زیارەتکار و سالار تەحسین، بەڕێوەبەری نشینگە و پاسپۆرتی دەروازەی حاجی ئۆمەران رایگەیاند "زیارەتکارانی وڵاتانی جۆرجیا و ئازەربایجان و روسیا و تورکیان لە دەروازەکەوە هاتوون و ژمارەیان دەگاتە هەزار و 500 کەس.

ر.ع