کوردستانی
لەمەودوا دەتوانیت سکاڵا لە حکومەت بکەیت
مەودا میدیا - سلێمانی |
مەودا میدیا -
حکومەتی هەرێمی کوردستان خزمەتگوزارییەکی نوێی بۆ هاوڵاتییان بەردەست خستووە تاوەکو لەرێگەیەوە سکاڵا لە خزمەتگوزارییەکان و فەرمانگە و فەرمانبەرانی حکومەت بکەن.
سیستمی سکاڵای هاوڵاتییان خزمەتگوزارییە نوێیەکەی حکومەتی هەرێمە بۆ تۆمارکردنی سکاڵای هاوڵاتییان لەسەر فەرمانگە و فەرمانبەران و خزمەتگوزارییەکانی حکومەت و دوای تۆمارکردنی سکاڵا هاوڵاتییەکە دەتوانێت ئەنجامی سکاڵاکەشی وەربگرێتەوە.
فەرمانگەی میدیا و زانیاری دەڵێت "بەم جۆرە بۆشایی نێوان هاوڵاتییان و حکومەت کەم دەکەینەوە و ئەم کارەمان بۆ نزیککردنەوەی هاوڵاتییانە لە حکومەت، رێگەخۆشکەریشە بۆ پێگەیشتنی حکومەتەکەمان بە دیجیتاڵی".
مەرجە پێویستەکان بۆ تۆمارکردنی سکاڵا ئەمانەن:
1- دەێت هاوڵاتیی کوردستان بێت.
2- دەبێت تەمەنی سکاڵاکار لە 18 ساڵ کەمتر نەبێت.
3- زانیارییە کەسییەکانی خۆی وەک ئیمەیڵ و ژمارە تەلەفۆن بنووسێت.
ئەوەی جێگای باسە لەم سیستەمەی سکاڵای هاوڵاتییاندا، دوای تۆمارکردنی سکاڵاکەت، دەتوانیت بزانیت ئەنجامی سکاڵات چیبووە و بۆت دەنێرنەوە.
لەم بەستەرەوە دەتوانیت سکاڵاکەت تۆماربکەیت:
https://ccs.digital.gov.krd/?fbclid=IwAR2xVYOQ7405zEgyIFYamut7LJBiu5gYpI9IU0OlyVYdolp8HgsWBjPfGUk
ر.ع
بیروڕا
