مەودا میدیا - رۆژ عەدنان

 

سەرچاوەیەکی تایبەت لەناو لیوا هاوبەشەکانی سەر بە وەزارەتی پێشمەرگە رایدەگەیەنێت هەفتەی داهاتوو مووچەی لیوا هاوبەشەکانی وەزاەتەکەیان دابەشدەکرێت.

 

ئەمڕۆ شەممە 2ی ئەیلولی 2023 سەرچاوەیەکی تایبەت لەناو لیوا هاوبەشەکانی سەر بە وەزارەتی پێشمەرگە بە مەودا میدیای راگەیاند "ئەو تەمویەی مووچەی لیوا هاوبەشەکانی پێشمەرگە کە لەلایەن ئەمەریکاوە دابین دەکرێت گەیشتووە و لەم هەفتەیەدا دابەشدەکرێت".

 

سەرچاوەکە وتیشی "مووچەکە تەنها ئەو لیوا هاوبەشانە دەگرێتەوە کە کۆنن و تاوەکو ئێستا لیوا هاوبەشە نوێیەکان نەخراونەتە چوارچێوەی ئەو لیوایانەوە".

 

هەر بەو مەبەستەش هونەر جەمال، وتەبێژی وەزارەتی دارایی بە مەودا میدیای راگەیاند "تاوەکو ئێستا هیچ دەنگۆیەک سەبارەت بە مووچەی فەرمانبەران نییە و ئاگاداری مووچەی لیوا هاوبەشەکانی پێشمەرگەش نین".

 

ئەمەش لەکاتێکدایە، 44 هەزار پێشمەرگە لە چەند لیوایەکی هاوبەشدان و بودجەکەیان لەلایەن وەزارەتی بەرگریی ئەمەریکاوە بۆ دابین دەکرێت، هەموو مانگێک دوای ئەوەی پارەکە دەخرێتە سەر هەژماری وەزارەتی پێشمەرگە، مووچەکانیان پێ دەدرێت.