مەودا میدیا- سازگار ئەحمەد

هاتنی زیارەتکاران بۆ بەشداری لە مەراسیمی چلەی ئیمام حسێن لە رێگەی دەروازەکانی هەرێمی کوردستانەوە بەردەوامە، وتەبێژی دەروازەی نێودەوڵەتی حاجی ئۆمەرانیش ئاماژە بەوەدەکات، ئەو پلانانەی دانرابوون بە سەرکەوتووی جێبەجێکراون.

سیروان حسێن، وتەبێژی دەروازەی نێودەوڵەتی حاجی ئۆمەران بە مەودا میدیای راگەیاند "ئەو پلانانەی دانرابوون بۆ هاتنی زیارەتکاران لە ئێرانەوە بە مەبەستی بەشداریکردن لە چلەی ئیمام حسێن بە سەرکەوتووی بەڕێوەچووە و هیچ گرفتێک رووینەداوە".

لەبارەی هاتنی ژمارەی زیارەتکارانەوە ئاماژەی بەوەشکرد "بەراورد بە رۆژانی دیکە ژمارەی هاتنی زیارەتکاران کەمیکردووە، چونکە رۆژی 6ی ئەیلولی 2023 رۆژی چلەیە".

ساڵانە لە یادی ئیمام حسێن و چلەی ئیمام حسێن ژمارەیەکی زۆر زیارەتکارانی شیعە لە رێگەی دەروازە سنوورییەکانی هەرێمی کوردستانەوە دەڕۆنە کەربەلا بە مەبەستی بەشداریکردن لە مەراسیمەکە.

س.ر