مەودا میدیا-

وەزیری كاروباری شەهیدان و ئەنفالكراوان رایدەگەیەنێت، بڕیارە لە هەرێمی كوردستان یەكەی نیشتەجێبوون بۆ كەسوكاری هەریەك لە شەهیدان، زیندانیانی سیاسی و رزگاربووانی شاڵاوەكانی ئەنفال دابینبكرێت.

عەبدوڵڵا حاجی مەحمود، وەزیری كاروباری شەهیدان و ئەنفالكراوان ئەمڕۆ سێشەممە لەمیانی وتەیەكدا رایگەیاند "لەمیانی كۆبوونەوەی ئەنجوومەنی وەزیران داواكراوە لەبری پێدانی زەوی نیشتەجێبوون بۆ كەسوكاری هەریەك لە شەهیدان، زیندانیانی سیاسی و رزگاربووانی شاڵاوەكانی ئەنفال دابینبكرێت".

دەشڵێت، بۆ ئەو پرسە لەگەڵ دەستەی وەبەرهێنان و ئەنجوومەنی وەزیران و وەزارەتە پەیوەندیدارەكان رێكارمان بۆ داناوە، ئەوەی لەلایەن وەزارەتی شەهیدان و ئەنفالكراوانەوە هەیە جێبەجێكراوە.

ئەوەش لەكاتێكدایە بەپێی راگەیەندراوی وەزارەتەكە، لە كابینەی نۆیەم لە سەرجەم قۆناغەكانی هەل و مەرجەكانی خوێندن كورسی تایبەت بۆ كەسوكاری شەهیدان و زیندانیكراوانی سیاسی و قوربانیانی ئەنفال دابینكراوە.

ئەوەش هاتووە، هەر لە كابینەی نۆیەمدا بڕی 19 ملیار دیناری تایبەت بە قەرزی خوێندنی فێرخوازانی سەر بە وەزارەتەكە دراوەتەوە.

ژ.ع